انت اهلاوي وانت زمالكاوي الله امال مين مصراوي

بسم الله الرحمن الرحيم

اولآ كل عام وانتم بخير احبائي اعضاء رومانسيات

الموضوع سلبي ولازم نفكر في حل ليه
دلوقتي انا وانت بنشجع الاهلي وانتو بتشجعو الزمالك وانتم بتشجعو الاسماعيلي
انت متعصب للأهلي وانت متحيز للزماللك وهوة متحيز للأسماعيلي وبيعشقه وبيغير عليه
يقولك الاهلي لعب نار واحنا الابطال والزمالكاويه يقولو العوده قويه والبطولات بيضاء زمالكاويه
الاسماعلاويه بيزعقو بصووت نار ويقولو الدراويش امجاد بطولات تاريخ انجازات كله بيكتب ويحارب بعضه
الاهلاويه انشأوو روابط وكمان الزمالكاويه وياسلام هي جت علي الاسماعيلي يعني ولاهمه ولاد البطه
رابطه محبي الاهلي afc
رابطه محبي الزمالك zlu
رابطه مشجعي الاسماعيلي ifuكلام حلو ويفرح ويرفع الراس طبعآ ومانقدرش نتكلم علي الانديه وروابطها
كل الكلام ده علي دماغي
بس نسينا حاحه مهمه
في هوجه الانديه والاحباء والروابط وكده نسينا شي اسمه مصر ومنتخبها اتجمعنا مرة في امم افريقيا 2006 وبرضو من دون تنسيق وظهرنا بشكل حلو شجعنا منتخبنا
وقولنا سبعين مليون بحس واحد هانشجع ونقول مصر
ماتيلا الفره اهي جاتنا ايديك في ايدي هانشجع بلدنا مافيش حد هايشجع نادي الكل واحد هانشجع بلادي هانلف في اقريه وفي القصر بصوت واحدهانشجع ونقول مصر
الله كلام جميل صح حسيتو منه بأيه ده الاغنيه بتقول ماتيلا افرصه اهي جاتنا ايدك في ايدي هانشجع بلدنا مافيش حد هايشجع نادي بحس واحد هانشجع بلادي
كلام رووعه ياتري هانشجع مصر طيب فين باللله عليكم الرابطه
بجد سمعتو عن رابطه مشجعي مصر لا مافيش حلم لم يولد لسه
ياجدعان خدو مثلآ انجلترا لا صوت يعلو فوق اسم المنتخب دول في كاس العالم عملو استعدادات احتياطيه للجمهور الانجليزي اللي سافر ورا منتخبه ومافرقتش معاه المهم انه ورا منتخب بلاده تخيلو واحنا الاستاد ياعين بيملوة بالعساكر علشان يبقي في رووح طييب وفين الجمهور راح فين
ياعم اصله مع الانديه يالهوي طيب والمنتخب فين حقه ده بيحمل اسم مصر
ياجماعه طيب يالذمه انتو متابعين استعدادات المنتخب لا اكيد لا
لكن لو استفسرنا عن حسني عبدربه ولا مشكله الزمالك مع الاتحاد هاتلاقي بحر معلومات
من هنا ومن هنا موش هاتلاحق طيب ياعم هوة المنتخب موقفه ايه هايقولك موش عارف بس هوة كويس بس اموش عارف
طيب ياريت بقي نهتم ونبتدي من هنا والبدايه اهلاويه زمالكاويه اسمعلاويه يعني مصريه
نبني رابطه مشحعي مصر
ونعلي العلم المصري في الماتشات ونعمل دخلات وشغل بأسم مصر
اتمني اني ماأكونش طولت عليكم وياريت نهتم ونبتدي من هنا وتقبلو فائق تحياتي واحترامي